Martxoaren 17ko EHAAn laguntza-programa honen oinarri arautzaileak argitaratu dira, enpresen barne-prozesuetan eta bezeroekiko, hornitzaileekiko eta administrazioekiko harreman-prozesuetan EIKTak txertatzen laguntzeko, haien lehiakortasuna hobetzeko helburuarekin. Dagoeneko 2024ko deialdia EAEko enpresa guztiei ireki zitzaien, ez bakarrik industriari dagokionez.
Enpresa bakoitzeko dirulaguntza 23.000 eurokoa izango da gehienez, eta hainbat proiektu sar daitezke.
Dirulaguntzaren ehunekoa laguntza eskatzen duen enpresaren tamainaren araberakoa da:
- Mikro eta Enpresa Txikia: % 50.
- Enpresa ertaina: % 35.
- Enpresa handia: % 25.
Dirulaguntzaren gehieneko zenbateko bat dago diruz lagun daitekeen kontzeptu bakoitzeko. Hardwarearen eta/edo softwarearen kasuan, gehieneko zenbatekoa 11.500 eurokoa da, eta aholkularitza- eta/edo ingeniaritza-gastuetan, gehieneko zenbatekoa 23.000 eurokoa. Nolanahi ere, aholkularitza- eta/edo ingeniaritza-gastuak proiektuaren oinarri subentzionagarriaren % 50 izango dira gutxienez.
Diruz lagundu daitezkeen jarduerak.
Diruz lagundu daitezkeen jardueratzat hartuko dira EIKTak ezartzeko edo EIKTak ebaluatzeko eta hautatzeko diagnosi-proiektuak:
ETEentzat eta enpresa handientzat:
1. – Sentsorika, makinak monitorizatzeko plataformak, SCADA, serbitizazioa, produkzio-prozesuen automatizazioa, Bigdata eta blockchain.
2. – Errealitate birtuala, areagotua eta mistoa eta ikusmen artifiziala.
3. – Biki digitalak: industria-prozesu konplexuen simulazioa, gaitasun fisikoak eta birtualak konbinatuz.
4. – Energia-eraginkortasuna eta deskarbonizazioa kudeatzeko tresnak.
5. – Biltegia kudeatzeko sistemak.
6. – Merkataritza elektronikoko sistemak: erosketa elektronikoak, salmenta elektronikoak. Merkataritza elektronikoko sistema horiek erakunde onuradunaren informazio-sistemekin integratuta egon beharko dute (Administrazioa, – ERP-Enterprise Resourse Planning –). Era berean, enpresa merkataritza-plataformetan sartzeko aholkularitza-proiektuak babestuko dira.
7. – EIKTak txertatzeko proiektuak, plantako ekoizpena hobetu edo automatizatuko dutenak eta egoeraren azterketa eta erabakiak hartzea erraztuko dutenak, aurreko ataletan jaso ez direnak.
8. – Business Intelligence txostenak bistaratzeko sistemak ezartzea eta sistema horiek datu-iturriekin integratzeko beharrezko lanak egitea.
9. – «Datuak epe luzera gordetzeko zerbitzuak» ezartzea, eIDAS2 (electronicIDentification, Authentication and trust Services) Europako erregelamenduaren TS 119 511 (2019/06) eta TS 119 512 (2020/01) estandarren arabera.
ETEentzat bakarrik:
1. – ERP, SC (Supply Chain Management) motako enpresaren kudeaketa aurreratuko sistemak, prebentziozko mantentze-lanak, hornidura-katearen kudeaketa logistikoa, mantentze-laguntza teknikoa kudeatzeko sistemak (SAT), administrazio- eta kudeaketa-prozesuen automatizazioa.
2. – Produktuaren bizi-zikloaren kudeaketa (CAM CAE, PDM edo DMF motako aplikazioak ezartzea).
3. – CRM Customer Relationship Management proiektuak ezartzea erakunde onuradunean.
Laguntza-eskabideak aurkezteko epea
Laguntza-eskabideak aurkezteko epea 2025eko urriaren 31n amaituko da. Hala ere, eskatzaileentzako arreta teknikoa 2025eko urriaren 31ko 15:00etan amaituko da (Espainiako penintsulako ordua).
Informazio gehiago: SPRI, 900 929 393.