Joan den astelehenean hasi ziren Artxandako tunelak berritzeko eta egokitzeko lanak Ugasko-Salbeko zubian. Tunel hori itxita egongo da apirilera arte. Hori amaituta, Ugasko-Txorierri tunela konpontzea programatuko da, eta, ondoren, Salbeko zubia eta Txorierri lotzen dituen zirkulazio handieneko galeriari helduko zaio.
Aurreikusitako lanak azpiegituraren segurtasuna eta erresilientzia indartzera bideratuta daude, argiztapena hobetzera, egungoa LED bidez ordezkatuz, eta segurtasun-sistemak modernizatzera, hala nola gorabeherak automatikoki detektatzekoa, gas-detektagailuak. Planifikatutako jardueren barruan, berrikuntzako proiektu pilotu bat jarriko da abian, tunelen jasotze digitala egitera bideratua, azpiegituraren BIM as built eredu bat eraikitzeko, Interbiak-ek kudeatzen dituen azpiegituren biki digitalean txertatzeko, bai eta drainatze-sistemaren proiektu bat ere, errepideetako urek inguruko ibai-ibilguetan duten eragina murrizteko.
Artxandako tunelak 2002tik daude martxan, eta azpiegitura estrategikoak dira Bilbo Txorierrirekin, aireportuarekin eta Bizkaiko parke teknologikoarekin lotzen duen hiriburuaren inguruan mugitzeko. Hiru tunelak egunean 30.000 ibilgailuk erabiltzen dituzte, batez beste.