Eusko Jaurlaritzak agindu hau onartu du, Euskal Autonomia Erkidegoko enpresei dirulaguntzak emateko oinarriekin, baldin eta enpresa horiek egoeraren diagnostiko bat eta ekintza-plan bat egiten badute bizitza pertsonala, familia eta lana uztartzearen arloan. 10.500 eurorainoko dirulaguntza eskatu ahal izango dute, agindua EHAAn argitaratzen denetik irailaren 30era arte. Laguntza-lerro hori 420.000 eurokoa da. Hasiera batean ETEentzat baino ez zen dirulaguntza horren helburua da enpresa-erakundeak eta plantillak kontziliazioaren potentzialaz kontzientziatzea. 2024. urteari begira, eremu pribatuko edozein erakunderi eskatu ahal izango zaio laguntza, tamaina edozein dela ere, baldin eta diagnostiko bat eta kontziliazio-plan bat egiteko proiektua EAEko lantokietarako bada.