Europako Parlamentuaren Osoko Bilkurak berankortasunari buruzko araudi berri bat onartu zuen asteartean, enpresen artean eta sektore publikotik pribatura fakturak ordaintzeko 30 eguneko epe estandarra ezartzen duena, salbuespen mugatu batzuekin (sakatu hemen Europako Parlamentuak onartutako Ebazpena deskargatzeko). Hala, eurodiputatuek babestu egin zuten epe hori 60 egunekoa izatea, baldin eta alderdien arteko kontratuan hala adosten bada. Gainera, ordainketak 120 egunera arte luzatzeko aukera aurreikusten da zenbait negozio-eredutan, hala nola jostailu-dendan, bitxigintzan edo kirol-ekipamenduetan, denboraldi luzeagoak behar baitituzte urte-sasoiaren edo produktuen eskuragarritasunaren ondorioz.
Ordainketan atzerapenak gertatzen diren kasuetarako, eurodiputatuek iradokitzen dute 50 eta 150 euro arteko konpentsazioak ezartzea transakzio bakoitzeko, transakzio horren balioaren arabera, hartzekodunaren berreskuratze-kostuak estaltzeko helburuarekin.
Jarraibide horiek izango dira orain Europako Parlamentuaren eta estatu kideen arteko negoziazioen oinarriak. Ekainaren 9ko hauteskundeen ostean Euroganbera berria eratu ondoren hasiko dira elkarrizketak.
Euroganberak negoziatzeko jarrera hartu du aldeko 459 botorekin, kontrako 96rekin eta 54 abstentziorekin, baina Europako hauteskundeetatik sortzen den hemizikloak jarraituko du espedientearekin eta Hogeita zazpiekin negoziatzen.