Azaroaren 6ko GAOn, Tokiko Gobernu Batzarraren 2024ko otsailaren 26ko Erabakiaren laburpena argitaratu da. Erabaki horren bidez, 2024ko deialdia onartu zen, Elgoibarren ekintzailetza, zabalkuntza edo lekualdaketa, sendotze eta eguneratze digitala eta enpresen ondorengotza sustatzeko laguntzak emateko, lehiarik gabeko norgehiagoka-sistemaren bidez, banakako ebaluazio-erregimenean.
Dirulaguntzen ildo horren barruan, lau mota garatuko dira:
Jarduera ekonomikoa sortzeko dirulaguntza: enplegua sortzen duten enpresa-ekimen berriei laguntzea (I. eranskina).
Jarduera ekonomikoen ondorengotzarako dirulaguntza: Pertsona fisiko edo juridikoen ondorengotza/enpresa-erreleboa (II. eranskina).
Dirulaguntza lerro bakoitzaren eranskin bakoitzean horietako bakoitzaren baldintza guztiak zehazten dira. Deialdia egin duen organoari zuzendutako eta onuradunak edo haren ordezkariak izenpetutako dirulaguntzak lortzeko eskabideak aurkezteko epea, erantsitako dokumentazioarekin batera, 2024ko azaroaren 30ean amaituko da (egun hori barne). Dirulaguntza eskaerak elektronikoki egin beharko dira, udalaren web orriaren bidez: www.elgoibar.eus. Izapidea elektronikoki egiteko, beharrezkoa da ziurtagiri digitala izatea (B@kQ, NAN elektronikoa, Izenpe txartela, etab.).